Наша беларуская скарбонка
Каб далучыць дзяцей да беларускай нацыянальнай культуры, паглыбіць знаёмства з родным краем, беларускімі традыцыямі, фальклорам, прывіць любоў да роднага краю, пачуццё грамадзянскасці і любові да Радзімы, мы вырашылі тыдзень жніўня прысвяціць беларускай культуры.
Гэты час быў насычаны рознымі цікавымі мерапрыемствамі. З выхаванцамі вялася гутарка аб родным горадзе, традыцыях беларусаў, чыталіся вершы беларускіх пісьменнікаў, гучала музыка. Асаблівую цікавасць у дзяцей выклікала інсцэніроўка беларускіх казак. Менавіта праз казку дзеці дакранаюцца да жыцця, быту нашых продкаў, яны адчуваюць сябе часткай культуры, бо казка дае кожнаму ўрокі патрыятызму і маралі. Дзякуючы казцы, дзеці пазнаюць свет не толькі розумам, але і сэрцам.
Тыдзень беларускай мовы і культуры захаваў у дзяцей самыя светлыя пачуцці. Кожны з выхаванцаў даў абяцанне, што будзе любіць і шанаваць нашу родную беларускую мову, ведаць культурныя каштоўнасці нашай краіны.
