Выхаванне патрыятычных пачуццяў
Радзіма – гэта, канешне, родная маці, белы бусел на даху, першы веснавы дожджык, першыя кветкі. Гэта незвычайныя людзі побач з табой, чыя дабрыня сагравае, чыя сіла падымае над горам і бядой. Радзіма - гэта месца, дзе ты нарадзіўся. Гэта твой любімы горад, родная вуліца. Можна многа i многа гаварыць пра Беларусь.
Так, з мэтай развiцця патрыятызму, выхаванцы старэйшай группы з вялікім задавальненнем папрацавалi з новым і цікавым лэпбукам «Беларусь», які зрабіла выхавацель дашкольнай адукацыі Таццяна Уладзіміраўна Ганчарэнка. Дзеці пагулялi ў гульню «Складзі малюнак», дзе замацавалі геаграфічнае размяшчэнне абласцей Рэспублікі Беларусь, пагутарылі аб выдатных мясцінах нашай Радзімы, адгадвалi сiмвалы рэспублiкi. У гульнявых сiтуацыях «Беларускія народныя рамёствы», «Беларускі нацыянальны касцюм», «Віды абутку», «Традыцыйныя стравы» дзецi з цікавасцю разглядалi і расказвалi аб прадметах дэкарэтыўна- прыкладнога мастацтва (вырабы з льну, глiны, дрэва, лазы), пазнаёміліся з нацыянальным адзеннем і стравамі беларускай кухні.
Вельмi цiкава прайшоў час. Такая дзейнасць выхоўвае культуру талерантнасцi, дружалюбных адносiн і вытрымку.
Лэпбук - гэта гульня, творчасць, пазнанне і даследаванне новага, паўтарэнне і замацаванне вывучанага, сістэматызацыя ведаў і проста цікавы від сумеснай дзейнасці педагога і дзіцяці.
